काठमाडौं उपत्यकाका प्रशासनद्वारा १८ बुँदे नयाँ आदेश जारी,राति १२ बजेदेखि लागू हुने (आदेशसहित)


  • thebuddhaexpress

काठमाडौं उपत्यकाका प्रशासन द्वरा १८ वटा बुँदामा आदेश जारी गरेको छ।

कोरोना भाइरसको संक्रमणलाई मध्यनजरमा राख्दै काठमाडौं उपत्यकाका तीन वटा प्रशासन कार्यालयले सूचना जारी गरेको छ।

मंगलबार बसेको बैठकले बढ्दो संक्रमणलाई मध्यनजरमा राख्दै यसको रोकथाम, नियन्त्रण र उपचारलाई थप प्रभावकारी बनाउन आदेश जारी गरेको हो। आदेश मंगलबार राति १२ बजेदेखि लागू हुने काठमाडौं प्रशासन कार्यालयले जारी गरेको आदेशमा उल्लेख छ।

घर बाहिर वा सार्वजनिक स्थलमा निस्किँदा सबैले अनिवार्य मास्कको प्रयोग गर्ने, भौतिक दूरी कायम गर्ने, साबुन पानीले हात हुनेलगायत स्वास्थ्य मापदण्डको पालना गर्न आदेश गरेको छ।

राजनीतिक, आर्थिक, सामाजिक, व्यवसायिक तथा अन्य गतिविधिहरू सञ्चालन गर्दा पनि मापदण्डको पालना गर्न भनिएको छ।

पूर्वनिर्धारित सेमेन्टर र वार्षिक परीक्षाको हकमा स्वास्थ्य मापदण्ड पालना हुने गरी जेड आकारमा बसाइ परीक्षा संचालन गर्ने निर्णय पनि भएको छ ।

सार्वजनिक ठाउँमा राजनीतिक तथा धेरै मानिस उपस्थित हुने गरी प्रशासनिक तथा सामाजिक कार्यक्रम नगर्न पनि भनिएको छ। आत्यावश्यक कार्यक्रमको हकमा प्रशासनको अनुमति लिएर गर्ने व्वस्था मिलाउन सकिने प्रशासनले जनाएको छ।

जिल्ला स्वास्थ्य कार्यालयहरुले स्थानीय तहको समन्वयमा १२ देखि १७ वर्ष उमेर समूहका बालबालिकालाई कोभिडविरुद्धको खोप लगाउनेबारे तालिका बनाउने आदेश पनि भएको छ ।

कोभिड-१९ संकट व्यवस्थापन केन्द्र सिसिएमसीले गरेको सिफारिस अनुसार सार्वजनिक ठाउँमा २५ जना भन्दा बढी मानिसको उपस्थिति हुनेगरी मेला कार्यक्रम नगर्न भनेको छ।

कार्यालय, होटल, रेष्टुरेन्ट, सिनेमा हल, रंगशाला, हवाइ पार्कमा प्रवेश गर्दा माघ ७ गतेदेखि खोप कार्डको अनिवार्य व्यवस्था गर्नुपर्ने आदेशमा उल्लेख छ। यसमा मोबाइलमा फोटोमात्रै भएपनि हुने प्रशासनले भनेको छ।

                               

प्रतिक्रिया