कोरोना कहरको बीच अभियन्ता सरोज रायको पहलमा भारतबाट दुई बालक उद्धार


  • thebuddhaexpress

भारतमा कोरोनाको दोस्रो लहर तिब्र भएको बेला सामाजिक अभियन्ता सरोज रायले भारतको दरभंगाबाट दुइ नेपाली बालकको उद्धार गरि घर फर्काएको छ ।

सामाजिक अभियन्ता सरोज राय, बालक अबदुर रहमान (बायाँ), जय कुमार दास (दायाँ)

सप्तरी जिल्ला शम्भुनाथ नगरपालिका वडा न. ८, वैर्याही निवासी अशोक कुमार साह धर्म परिवर्तन पछि नाम अब्दुल्लाहको ११ वर्षीय छोरा अब्दुर रहमान अलअब्द्दी विगत चौध महिना देखि लापता थिए ।

यस्तै, धनुषा जिल्ला जनकनन्दनी गाउँपालिका वडा न. ३ महुवा गाउँको निवासी विष्णुदेव दास तत्माको १२ वर्षीय छोरा जय कुमार दास तिन महिना देखि हराई रहेको थियो ।

यिनी दुवैको घरबाट भाग्ने कारण एकैनासको रहेका छन् । घरमा बदमाशी गर्दा आमाबुवाले सामन्य रिसाएका थिए र यहि कारणले दुवै बालक घरबाट भागेर भारत पुगेका थिए । घर परिवारले खोज्ने निकै प्रयाश गरे पनि पता लागेको थिएन।यिनीहरू लाई फरक-फरक समयमा दरभंगा रेल्वे प्रहरीले स्टेशनबाट समातेर बाल कल्याण समितीको जिम्मा लगाएका थिए ।

बाल कल्याण समितीबाट करिव एक महिना अगाडी अभियन्ता राय जानकारी गराइएको थियो । दुवैको फोटो समाजिक सन्जालमा राखेपछि परिवारजन्य सम्पर्कमा आएका थिए । स्थानीयतह र जिल्ला प्रशासन कार्यालयबाट कागजी प्रक्रिया पुरा गरि अभियन्ता राय यहि वैशाख ७ गते दरभंगा पुगेर बालकल्याण समितिबाट दुवै बालकको उद्धार गरि परिवारजन्य लाई जिम्मा लगाएको थियो ।

भारतबाट फर्के पछि अभियन्ता रायले सबैभन्दा पहिला कोरोना जांच गराए र पिसिआर जांचमा रिपोर्ट निगेटिव आएको कुरा स्वंम रायले सामाजिक संजाल मार्फत सार्वजनिक गरेका हुन् ।

                               

प्रतिक्रिया